A herzlichs „Griaß Gott !“
vom Hotel & Restaurant „Weihenstephaner Stub’n“ z’ Landshut!

Ne’t weit vom oit’n Stadtzentrum, direkt an da greana Flutmuid’n, liegt seit fünfafuchz’g Jahr iatz scho unser freundlicher Familienbetrieb. Ob’s’d iatz nur für a par Tag z’ Landshut oder in da Umgebung sei’ möchst oder g’schäftlich da bist, bei uns bist am besten aufg’hob’n ! Und innerhalb fünf Minuten bist am Bahnhof, auf da Autobahn oder am Isar-Radlweg.

In unsere Zimmer fuih’st de wia dahoam und hast ois’, was’d brauchst : A Braus’n oder a Badwann, a WC, a’n Fön, a Glotzn, a Telephon, ja sogar des neimoderne Zeig vo ISDN- und Modemanschluss. Und für’n WLAN Hotspot brauchst’ ne’tamoi was zahl’n ! Und unser Früstücksbuffet werd dir erscht guattoa, wenn’s’d ausg’schlafa obakimmst !

Parkplätz für d’ Auto und d’ Fahrradl san g’nua da, und Busse könnan glei um’s Eck am Bahnhof abg’stellt werd’n.

Bei unserer bodenständigen Küch’, beim Bier aus da ältesten Brauerei der Welt und bei ausg’suachte Weine werst de aa in unserm Restaurant richtig woih’fui’n, so wia seit Jahrzehnten scho unsere Stammgäst’ ! Und da hab’ma aa Platz für Familien-, Firmenfeiern und kleanare Tagungen. Im Sommer aber gibts a frische Mass und a herzhafte Brotzeit im Biergarten.

Mir zwoa samt Familie und da ganz’n Mannschaft g’frei’ma uns auf Eiern B’suach !